Eendag is 'n grootmenswoord
Vol vrae
En onduidelike bestemmings
Herinner my tog weer
waarheen ons oppad is?
Ek ken jou in hierdie dag
Soos jy die ritme van my siel leer ken
Soos die groot oseane wat tussen ons breek
Eendag is 'n raaiselwoord
Vol beloftes
En onvertelde verhale
herinner my altyd
"one must still have chaos in oneself
to be able to give birth to a dancing star"
Goethe
Waar die dae
tot nagte opkrul
verby die oeroue
beendere van tyd
het jou beeld
verbygegly
vir altyd by my
in hierdie swart
rivier van sterre.
Mandi Axmann, 1994
Ek wou jou so graag verkeerd bewys.
Dat die lewe
feller is as die dood
maar jy het té veel geweet
van dit wat ek moes leer
en jou hand was klam en koud
onder die wit vlam van die kers
En Christus
het met gekleurde oë
na ons gestaar
en ek het so gewens
dat Hy kon praat.
Mandi Axmann, 1995
Jy skryf vir my
'n reënboogvers
met pienk
gekalkte hande
sober en soepel
soos die mooiste
somersdag
sodat ek
dat trane
tog eendag
sondruppels word.
Mandi Axmann, 1996 Vir Franci
"If the doors of perception were cleansed, everything would appear as it is: infinite."
Wiliam Blake
Hy het soms gewens dat hy meer kon sien.
Meer as die roggelende motors,
die dik glasskuifdeure
die swart saalvloere -
Meer as die wit koue lywe
die glaspypies met gasmaskers
die staalbeddens met ysterrame -
Iewers
moes daar 'n roering wees
'n weggesteekte glimlag
of 'n stukkie
weghardloop wolkie
bo die vensterraam.
Mandi Axmann, 1995
Iewers vind ons mekaar
in die donkermaan
waar die naguile huil
en die eggo's weeklaag.
Daar ken ons mekaar
soos 'n populier
die ritsel
van sy blare ken
Deel ons mekaar
soos die grond
deel word van die klip
Want wat jy woordloos vra
Mandi Axmann, 1995
Ek wens ek kon jou toevou
teen die reën
teen die koue
ons teen hulle wêreld
wit kapok.
Ek wens ek kon 'n miershoop bou
met die kaggels van my hande
die skadu's uit jou oë verdryf
teen die donker
teen die reën
ek en jy in wit kapok.
Ek wens ek kon my klere
warm met liefde
opbondel teen jou bors
en vir jou
die wit dood
van jou oë sterf.
Mandi Axmann, 1992
