Sien jy die musiek?

As ek vir jou dans

met my siel in my voete

met trane in die fladdering van my hande.

Sien jy die musiek ?

Proe jy die musiek ?

Dis manna op ‘n winterveld

Dis heuning op my tong

Dans dan die musiek

Dans, tol, draai, dans, tol, draai...

Die note word 'n landskap

met die swaai van my arms

die ritme roep

oer-oue stemme

uit 'n wildernis van note.

Dan kan ek

my skoene uittrek

kaalvoet voor jou staan

omdat jy onbevrees

bly kyk.

Mandi Axmann, 1998