Wat sê ek vir jou ?
Woorde buig kromgetrek
van jare se stilbly
van min oefening.
Hoe verwoord my worstelstryd
tot jou begrip ?
Jy is hier.
Die wonderwoord
het vlees geword
'n dwalende lig ‑
was dit jou gesig
jou hande
jou hare
dan vergestalt jy
die begrip.
Hoe antwoord ek jou ?
Vertel vir jou
die eenheid,
die volheid van 'n woord
en maak jou deel
van my
begrip ?
Mandi Axmann, 1994
No comments:
Post a Comment